Ergin Ataman hakimlərə əsəbiləşdi

Panatinaikos baş məşqçisindən hakimlərə sərt reaksiya

Yunanıstanın Panatinaikos AKTOR basketbol komandasının baş məşqçisi Ergin Ataman, liqada Olimpiakos komandasına 90-86 hesabı ilə məğlub olduqları oyunda hakimləri sərt şəkildə tənqid edib.

Ergin Ataman hakimləri tənqid atəşinə tutdu

Ataman, İnstagram hesabında paylaşdığı mesajda, matçdakı mübahisəli epizodların görüntülərini yerləşdirərək hakim qərarlarına etirazını bildirib.

Kostas Sloukasın hərəkəti zamanı Panatinaikos əleyhinə verilən faul qərarını şərh edən təcrübəli baş məşqçi, "Videonun ən gülməli hissəsi faulun Sloukasa verilməsi və rəqibin iki sərbəst atış üçün xəttə gəlməsidir. Bu, sadəcə bir zarafat deyil, faciədir" deyə qeyd edib.

"Basketbol meydanında yeni idman növü"

Paylaşdığı digər epizodda isə Olimpiakosun ulduz oyunçusu Saşa Vezenkovun ribaund mübarizəsində TJ Shorts-a qarşı faul etdiyini iddia edən Ataman, "Biz həm də basketbol meydanında yeni bir idman növünün – yunan-Roma güləşinin icadının şahidi olduq. Bu, dünya tarixində bir ilkdir" fikrini bildirib.

Liqada keçirdiyi iki oyunda iki qələbə qazanan ev sahibi Olimpiakosda Vezenkov, 22 xalla komandasının qələbəsində mühüm rol oynayıb. Bir qələbə və bir məğlubiyyəti olan qonaq komandada isə TJ Shorts-un 19 xalı məğlubiyyətin qarşısını ala bilməyib.

24 saat