Oya Aydoğanın oğlu 9 il sonra susqunluğunu pozdu: Ölümünün əsl həqiqəti ortaya çıxdı

Məşhur Aktrisanın Ölüm Səbəbi Açıqlandı

2016-cı ildə vəfat edən aktrisa Oya Aydoğanın boğazına kartof ilişməsi nəticəsində aorta damarının yırtıldığı iddiaları yayımlansa da, oğlu Gurur Aydoğan bu məlumatın həqiqəti əks etdirmədiyini bildirib. O, anasının əslində yüksək təzyiqlə əlaqədar damar genişlənməsi səbəbindən həyatını itirdiyini açıqlayıb.

"Anam Vəziyyətindən Xəbərsiz idi"

Seda Sayanın aparıcısı olduğu "Hər Şey Masada" verilişinə qonaq olan Gurur Aydoğan, anasının səhhəti ilə bağlı maraqlı faktları diqqətə çatdırıb: "Yüksək təzyiqdən əziyyət çəkən hər bir şəxsin aorta damarında zamanla genişlənmə baş verir. Bu genişlənmə müəyyən həddi aşdıqda isə ciddi təhlükə yaranır. Anam müayinələrə getmədiyi üçün bu vəziyyətdən xəbərsiz olub. Əslində, bu, həmin gün deyil, bəlkə də bir il sonra yuxuda ikən də baş verə bilərdi."

Öskürək Sadəcə Bir Təsadüf idi

Həkimlərin ona bu vəziyyəti izah etdiyini vurğulayan Aydoğan əlavə edib: "Yemək yeyərkən baş verən öskürək isə sadəcə bir təsadüf, ya da tətikləyici amil olub. Əgər həkimlər bu durumu anama demişdilərsə də, o, çox güman ki, ciddi qəbul etməmişdir."

Oya Aydoğan 2016-cı il mayın 15-də, 59 yaşında vəfat edib. Üzləşdiyi xəstəlikdən sonra 12 saatlıq cərrahi əməliyyat keçirən sənətçi, reanimasiyada həyat mübarizəsini uduzaraq dünyasını dəyişib. Onun ölümü Türkiyə sənət aləmində dərin kədərə səbəb olmuşdu. Bu hadisə bir daha sağlamlıq nəzarətinin vacibliyini xatırlatdı.

Qeyd edək ki, arterial hipertenziya, yəni yüksək təzyiq, müalicə olunmadığı təqdirdə ürək-damar xəstəlikləri üçün əsas risk faktorlarından biridir.

24 saat